Juleribbe på tradisjonelt vis

Juleribbe er svinaktig godt, og langt frå så komplisert som mange vil ha det til.

FØRST:

Du tar ho opp 2-3 dagar før bruk og gnir inn med salt og peppar. Ribba bør vera ruta i svoren og beina bør vera skorne av.

Hugs å gni svoren inn med salt og peppar.

NB! Me bruker 1 ss salt og 1/2 ss peppar per kilo ribbe!

Legg så ribba med svoren ned i ei panne og ta alluminiumsfolie over. Sett den kaldt.

julaftan:

Ta ut ribba ein halv time før du skal steika. Snu ribba og legg ho med svoren opp.
Lag ein ball av folie og legg under på midten, slik at ho ligg litt heva på midten.

Slå 2 dl vatn i panna og ta folie over att.

Slik steiker me juleribbe:

1. 230 grader i ein time med folie på.
2. Ta av folien og steik vidare på ca 180-200 grader i to timar. Siste halvtimen kan du skru varmen opp til 210-230 att for å sprøa opp svoren. Siste halvtimen kan du også legga oppi medisterkaker og julepølse viss du vil – og har plass!

Til ribba har me rødkål, surkål, kokte gulrøter, kokte mandelpoteter, tyttebær og ribbefeitt. Mange brukar også brun saus i staden for ribbefeitt. Rødkål og surkål lagar me sjølv. Du kan laga på førehand og lagra i norgesglas, så treng du berre varma opp på juleaftan.