Litt å tenke på: Logo - Litt vin, litt some

Skal du investera i ein logo, og få nokon til å laga ein til deg (eller laga sjølv), så ta med deg dette tipset: Be om å få logoen i ulike format. Logoen din skal du bruka til så mykje ulikt i ulike str og format:

nettsida
annonser
trykksaker
reklamemateriell, gi-bort-saker
facebook og instagram
kjøretøy og reiskap

Og så vidare.

Til profilbildet (t.v.) på Facebook kan det vera lurt å bruka logoen. Av profilbildet og coverbildet (det store t.h.) er det profilbildet som er viktigast. Ser du kvifor? Sjå på neste bilde.

Til Facebook treng du eit kvadratisk profilbilde, medan ein kvadratisk logo vil bli bitteliten viss den skal brukast ein plass der det er makshøgde som tel mest.

Profilbildet (der logoen vår er) er det bildet folk ser mest av på facebook, og då må det vera lett å kjenna att. Bruker du eit liggande bilde som profilbilde, vil ein del av informasjonen forsvinna, eller så vil bildet bli så lite at det er uråd å sjå kva der står.